ÍÞRÓTTA- OG ÓLYMPÍUSAMBAND ÍSLANDS

Laugardaginn 28.nóvember sl. fékk Stefán Konráðsson, fyrrverandi framkvæmdastjóri ÍSÍ, afhenta Laurel heiðursviðurkenningu Evrópusambands ólympíunefnda - EOC - fyrir framúrskarandi störf í þágu íþrótta og ólympíuhugsjónarinnar. Verðlaunin voru afhent á aðalfundi EOC í Lissabon, Portúgal.
Það er mikill heiður fyrir Stefán og íþróttahreyfinguna á Íslandi að hljóta slíka viðurkenningu og sýnir að sú uppbygging og framþróun sem orðið hefur á síðustu árum hefur vakið athygli út fyrir landssteinana.
Á myndinni, sem tekin er við afhendinguna í Lissabon, eru frá vinstri talið framkvæmdastjóri EOC Raffaele Pagnozzi, gjaldkeri EOC Kikis N. Lazarides, Stefán Konráðsson, forseti EOC Patrick J. Hickey og varaforseti EOC Alexander Kozlovsky.