24.
ársþing Tennissambands Íslands var haldið í Íþróttamiðstöðinni í
Laugardal 24. apríl sl. Helgi Þór Jónasson var endurkjörinn
formaður sambandsins. Aðrir í stjórn eru Þrándur Arnþórsson,
Bragi Leifur Hauksson, Gunnar Þór Finnbjörnsson og Júlíana
Jónsdóttir. Í varastjórn voru kjörnir Jónas Páll Björnsson, Jón
Axel Jónsson og Raj K. Bonifacius.
Fulltrúi ÍSÍ á þinginu var Hafsteinn Pálsson úr framkvæmdastjórn
ÍSÍ en hann var einnig þingforseti.
Laugardaginn
24. mars s.l. stóð lyfjaráð og lyfjaeftirlitsnefnd ÍSÍ í sameiningu
fyrir námskeiði um lyfjaeftirlitsmálaflokkinn. Námskeiðið var
haldið í Íþróttamiðstöðinni í Laugardal. Námskeiðið sátu m.a.
nemendur í meistaranámi í sjúkraþjálfun við Háskóla Íslands og
lyfjafræðinemendur við sama skóla. Alls sátu um 30 þátttakendur
námskeiðið.Lyfjaeftirlitsnefnd ÍSÍ hefur birt skráðan lyfjaprófunarhóp fyrir árið 2012. Að þessu sinni eru 14 afreksíþróttamenn í einstaklingsgreinum í hópnum. Auk þeirra skila Knattspyrnu- og Handknattleikssamband Íslands upplýsingum um landslið sín hjá báðum kynjum.
Nánar er hægt að lesa um þær kröfur sem gerðar eru til íþróttamanna í skráðum lyfjaprófunarhópi og hverjir tilheyra hópnum hér.Lyfjaeftirlit ÍSÍ hélt árlegan upplýsingafund með sérsamböndum og sérgreinanefndum fyrr í dag. Umfjöllunarefnin voru nýr bannlisti WADA sem gildi tekur þann 1. janúar n.k. og breytingar frá núgildandi lista, helstu atriði er lúta að undanþágum frá bannlista, umfjöllun um útgefið fræðsluefni, skráður lyfjaprófunarhópur og hlutverk sérsambanda gagnvart lyfjaeftirliti.
Hér
til hliðar má sjá mynd af fulltrúum sérsambanda sem mættu á
fundinn.
Eins
og kveðið er á um í Alþjóðalyfjareglunum hefur
Alþjóðalyfjaeftirlitið (WADA) gefið út skýrslu um hvernig
undirritunaraðilum gengur að uppfylla skyldur sínar gagnvart kröfum
sem settar eru fram í Alþjóðalyfjareglunum. Úttektin gengur útá að
kanna hvort lög viðkomandi aðila uppfylli þær kröfur sem gerðar eru
og taki til þeirra atriða sem þeim ber að gera. Þeir sem ekki
uppfylla kröfurnar eða hafa ekki skilað tilskyldum upplýsingum
tímanlega fá þau ummæli að þeir uppfylli ekki þær kröfur sem gerðar
eru. Lög ÍSÍ um lyfjamál voru uppfærð á síðasta Íþróttaþingi með
tilliti til þeirra krafna sem gerðar eru. Uppfylla þau öll skilyrði
slíkra laga og fær því Ísland þá umsögn. Lista yfir lönd og stöðu
þeirra gagnvart því hvort þau uppfylli skilyrðin má sjá
hér.
Lyfjaeftirlit
ÍSÍ hefur gefið út í samstarfi við Alþjóðalyfjaeftirlitið (WADA)
bækling um hættuna við lyfjamisnotkun. Var hann gefinn formlega út
í Viku 43 sem haldin var fyrir skemmstu og kynntur á hádegisfundi
ÍSÍ um lyfjaeftirlitsmálefni. Bæklingurinn sem er hnitmiðaður og
litríkur er sniðinn að yngra íþróttafólki. Fjallað er um áhættuna
sem fylgir notkun ýmissa efna og aðferða. Meðal þess sem fjallað er
um eru megrunarvörur og fæðubótarefni, EPO, sterar og fíkniefni.
Bæklingurinn hefur verið sendur á öll íþróttamannvirki,
íþróttafélög, sérsambönd og íþróttahéruð. Hægt er að nálgast
bæklinginn á netinu hér og senda beiðni á lyfjaeftirlit@isi.is til að
fá send fleiri eintök.
Hádegisfundur
ÍSÍ fór fram í gær miðvikudaginn 2. nóvember. Að þessu sinni var
umfjöllunarefnið lyfjaeftirlit í íþróttum. Dr. Skúli Skúlason
formaður Lyfjaráðs ÍSÍ fjallaði um bannlista WADA sem tekur gildi
þann 1. janúar n.k. Fór hann yfir helstu breytingar sem verða frá
núgildandi bannlista. Davíð Ólafsson í Lyfjeftirlitsnefnd ÍSÍ
fjallaði um nýjan fræðslubækling sem lyfjaeftirlit ÍSÍ hefur gefið
út í samvinnu við Alþjóðalyfjaeftirlitið, einnig fjallaði hann um
orku- og íþróttadrykki og innihaldsefni þeirra. Örvar Ólafsson
starfsmaður Lyfjaeftirlitsnefndar sagði frá lyfjaeftirliti meðal
íþróttafólks á Íslandi, Lögum ÍSÍ um lyfjamál og skráðum
lyfjaprófunarhóp. Góð mæting var á fundinn, hér til hliðar má sjá
áheyrendur.
Nú
stendur yfir vika 43, vímuvarnarvikan. Er þetta áttunda árið sem
vikan er tileinkuð vímuvörnum. Vika 43 er vettvangur félagasamtaka
sem koma að forvarnarstarfi beint eða óbeint til að vekja athygli á
forvarnarstarfi og áfengis- og vímuefnamálum. Í ár er athyglinni
beint að rétti barna og ungmenna til vímulauss lífs og vernd þeirra
gegn neikvæðum áhrifum neyslu áfengis og annarra vímuefna. Er þar
sérstaklega bent á yfirlýsingu aðildarríkja
Alþjóðaheilbrigðismálastonunarinnar frá 2001 og barnasáttmála
Sameinuðu þjóðanna.
Breska
lyfjaeftirlitið hefur kynnt átakið ,,Hreinn sigurvegari - segðu nei
við lyfjamisnotkun"! (Win Clean: Say No to Doping). Er það unnið í
samvinnu við skipulagsnefnd Ólympíuleikanna og Ólympíumóts fatlaðra
í London 2012, ráðuneyti íþróttamála og Alþjóða
lyfjaeftirlitið.
Markmiðið með átakinu er að benda íþróttamönnum sem sett hafa stefnuna á Ólympíuleikana í London á réttindin sín og skyldur tengdar lyfjaeftirliti í íþróttum.Hreinir og heiðarlegir íþróttamenn og þeir sem styðja þær eru boðnir velkomnir. Hinir eru varaðir við að það er markmið mótshaldaranna að leikarnir verði þeir ,,hreinustu" í sögunni og munu þeir gera allt sem í þeirra valdi stendur til að sporna gegn lyfjamisnotkun.
Þar sem skíðamaðurinn Björgvin Björgvinsson hefur tilkynnt að hann sé hættur æfingum og keppni var íþróttamaðurinn tekinn úr skráðum lyfjaprófunarhópi ÍSÍ frá 1. október að telja. Þann 1. apríl s.l. bættist Óðinn Björn Þorsteinsson kúluvarpari í skráðan lyfjaprófunarhóp ÍSÍ.
Nánari upplýsingar um skráðan lyfjaprófunarhóp og hvaða einstaklingar eru í hónum nú má sjá hér.
70. Íþróttaþing ÍSÍ, haldið Gullhömrum í Reykjavík 8. - 9. apríl 2011, samþykkti ný Lög ÍSÍ um lyfjamál í samræmi við kröfur Alþjóðalyfjaeftirlitsins – WADA. Með samþykkt féllu eldri Lög ÍSÍ um lyfjamál frá 2009 niður.
Hægt er að sjá nýsamþykkt lög með því að velja Lög ÍSÍ um
lyfjamál hér til vinstri á síðunni, sjá hér.
Framkvæmdastjórn
WADA hefur samþykkt vottun rannsóknarstofunnar í Almaty í
Kasakstan. Hefur rannsóknarstofan því leyfi til að greina sýni
tekin í lyfjaprófum hjá íþróttamönnum. Ferlið við að afla
tilskylinna leyfa hófst árið 2007. Markmiðið er að ganga úr skugga
um að rannsóknarstofurnar uppfylli ströngustu gæðakröfur. Meðal
annars er farið í vettvangsheimsóknir í rannsóknarstofuna,
fulltrúar rannsóknarstofunnar hafa unnið með sérfræðingum WADA og
óháðir vottunaraðilar hafa farið yfir gæðastaðla.
Fyrr
í dag stóð Lyfjaeftirlit ÍSÍ fyrir árlegum fundi með sérsamböndum
og sérgreinanefndum um lyfjaeftirlitsmálaflokkinn. Fundurinn var
haldinn í Íþróttamiðstöðinni í Laugardal. Meðal þess helsta sem
fjallað var um var bannlisti WADA sem tekur gildi 1. janúar n.k. Á
fundinum var einnig fjallað um beiðnir um undanþágur og hvað hafa
ber í huga tengt þeim. Auk þess var fjallað um lyfjaeftirlitið hér
á landi og nýjasta fræðsluefnið sem gefið hefur verið út. Hér til
hliðar má sjá svipmyndir af fundinum.
Helstu umfjöllunarefnin eru almenn umfjöllun um lyfjamisnotkun og íþróttir, náttúruefni og fæðubótaefni, notkun vefjaaukandi efna og stera auk þess sem fjallað er um ýmis deilu- og vafamál. Í lok málþingsins verður samantekt á efni dagsins og tækifæri fyrir umræður og fyrirspurnir.
Aðgangur er ókeypis og öllum opinn meðan húsrúm leyfir. Fyrirlestrarnir verða haldnir í húsakynnum Háskóla Íslands við Stakkahlíð í salnum Bratta (sjá nánar hér). Dagskráin stendur frá kl. 9.00-16.00, nánari upplýsingar um fyrirlestrana er að finna hér.
Iðkendatölur ársins 2009 eru komnar út. Iðkunum hefur fjölgað um 3,1% milli ára og voru árið 2009 samtals 112.366 innan ÍSÍ. Alls stunduðu 81.972 landsmanna íþróttir innan hreyfingarinngar sem jafngildir því að 25,7% landsmanna stundi íþróttir innan ÍSÍ. Fjöldi íþróttagreina voru 43 stundaðar í 25 íþróttahéruðum hjá 465 íþróttafélögum.
Iðkendatölur 2009 hér
ÍSÍ bauð upp á hádegisfund um lyfjamál föstudaginn 26. mars síðastliðinn í Íþróttamiðstöðinni í Laugardal. Skúli Skúlason formaður Lyfjaráðs ÍSÍ fjallaði um framkvæmd lyfjaeftirlits hér landi og Reynir Björnsson formaður Lyfjaeftirlitsnefndar fjallaði um undanþágur frá bannlista.
Skúli og Reynir fjölluðu m.a. um breytingar vegna nýrra laga ÍSÍ um lyfjamál, nýjar alþjóðlegar lyfjareglur, nýjan bannlista WADA og undanþágur frá honum.
Örvar Ólafsson verkefnisstjóri lyfjamála hjá ÍSÍ gefur frekari upplýsingar um efnið á orvar@isi.is eða í síma 514-4000.
Glærur frá fyrirlestrum Skúla og Reynis eru nú komnar inn á vef ÍSÍ www.isi.is
Nú um áramót tók gildi nýr bannlisti WADA fyrir árið 2010. Meðal helstu breytinga má nefna að súrefnisgjöf er ekki lengur bönnuð. Þremur örvandi efnum (benfluorex, prenylamine og methylhexaneamine) hefur verið bætt við flokk efna sem ekki eru sérstaklega tilgreind. Leiðir það af sér að ekki er hægt að milda refsingu vegna notkunar efnanna eins og áður var. Búið er að banna pseudoephedrine sé styrkur þess yfir 150µg/mL. Efnið hefur verið á eftirlitslista frá árinu 2004 en færist nú á bannlista. Búið er að taka af vafa um að öll synthetisk kannabisefni eru bönnuð.
Mestu breytingarnar urðu þó vegna sykurstera sem notaðir eru ókerfistengt. Fyrir þá sem nota slík efni ókerfistengt (sprautað í lið, við lið, sinaslíður, utanbasts, í mænu, undir húð og við innöndun) og/eða berkjuvíkkandi astmalyf sem innihalda salbutamol eða salmeteról er nóg að hafa meðferðis „Yfirlýsingu um notkun“. Sem dæmi um lyf sem innihalda efnin má nefna Ventolin, Serevent og Seretide. Hámarks notkun á salbutamol á sólarhring eru 1600µg.