Meginhlutverk
stjórnar er að stýra starfseminni í samræmi við vilja félagsmanna
eins og fram kemur í lögum sambandsins, fundarsamþykktum,
samþykktri stefnu og markmiðum. Þá skal leitast við að byggja upp
og viðhalda heilbrigðum félagsanda í þeim félögum sem starfa innan
félagsins/sambandsins. Dæmi um verkefni stjórnar má t.d.
nefna:
• Að setja fram áætlanagerð fyrir almenna
starfsemi og framkvæmdir til lengri og skemmri tíma
• Að móta hugmyndir og tillögur um ný
viðfangsefni
• Að leysa vandamál sem upp kunna að koma
• Að framfylgja samþykktum og ályktunum
• Að fylgjast með að áætlanir og fjárhagur
haldist í hendur
• Að taka á móti erindum sem berast og afgreiða
þau
• Að undirbúa fundi og boða til þeirra
• Að skipta verkum með einstökum stjórnarmönnum,
nefndum, starfsmönnum, félagsmönnum, sjálfboðaliðum og samræma
störf þeirra
Þessi
listi er alls ekki tæmandi og aðeins ætlaður til
leiðbeiningar.