Hreyfing og heilbrigði - Selfoss 2010
Miðvikudaginn 27. október 2010 stóð Íþrótta- og Ólympíusamband Íslands fyrir fjórða fræðslufundinum fyrir fólk á besta aldri. Að þessu sinni var hann haldinn í Grænumörk 5, Selfossi frá 13:00 - 14:30. Fundurinn hófst á ávarpi formanns nefndar um íþróttir 60+, Hermanns Sigtryggssonar. Guðrún V. Ásgeirsdóttir, M.S. í íþrótta- og heilsufræðum fjallaði um hreyfingu og næringu eldri einstaklinga, Líney Úlfarsdóttir, sálfræðingur, fjallaði um mikilvægi andlegrar heilsu á öllum aldri og Kristín Lilja Friðriksdóttir, verkefnisstjóri almenningsíþróttasviðs ÍSÍ kynnti einstaklingskeppni Lífshlaupsins. Að fundi loknum var öllum gestum fundarins boðin kynning á stafgöngu.