Fyrstu Ólympíuleikar ungmenna fóru fram í Singapore dagana 14.- 26. ágúst 2010.
Það náðist að tryggja þátttöku sjö keppenda, þ.e. sex sundmanna
og eins keppanda í skylmingum, auk tveggja þjálfara og eins
fararstjóra. Því miður forfallaðist keppandi Íslands í
skylmingum vegna veikinda, þannig að heildarfjöldi keppenda var
6. Um þátttökurétt gilda strangar reglur settar af viðkomandi
alþjóðasamböndum. Þannig átti Ísland rétt á tveimur
sundmönnum í upphafi, en vegna forfalla annarra þjóða varð það úr
að allir þeir íslensku keppendurnir sem náðu lágmörkum á leikana,
fengu möguleika á þátttöku.
Keppnin var ekki aðalatriði leikana heldur er jafnframt lögð
mikil áhersla á fræðslu og menningartengda þætti, þ.m.t. fræðslu um
Ólympíuhugsjónina, umhverfismál og samvinnu.
