Stjórn Afrekssviðs Íþrótta- og Ólympíusambands Íslands er skipuð af framkvæmdastjórn ÍSÍ og fer með umboð framkvæmdastjórnar í þeim verkefnum sem henni er falið. Stjórnin er skipuð þremur aðilum. Tillögur og samþykktir sviðsins skulu bornar undir framkvæmdastjórn í fundargerðum eða beinum tillögum til endanlegrar samþykktar ÍSÍ.
Almenn markmið og verkefni sviðsins eru m.a.:
· að hafa yfirumsjón með öllu sem lýtur að afrekssmálum ÍSÍ og/eða einstakra sérsambanda.
· að
sjá um undirbúning og mál er varða Ólympíuleika, Smáþjóðaleika,
Ólympíudaga æskunnar og önnur þau alþjóðamót sem ÍSÍ tekur þátt í.
· að
fylgjast með framgangi í afreksíþróttum og afreksstefnu einstakra
sérsambanda og meta skilgreiningar á afrekum og markmiðum sérsambanda.
· gera tillögur um fjárveitingar í fjárhagsáætlunum ÍSÍ til afreksmála.
· að starfa náið með Afrekssjóði ÍSÍ.
· að
fara yfir tillögur er lúta að stefnumörkun og áherslubreytingum í
íþróttamálum sem snerta afreksmál í víðasta skilningi og leggja mat á
þær.
· sjá
um ásamt forseta og framkvæmdastjóra ÍSÍ, samskipti er varða afreksmál
við Alþjóðaólympíunefndina (IOC), Ólympíusamhjálpina (OS),
Evrópusamband Ólympíunefnda (EOC), Heimssamband Ólympíunefnda (ANOC) og
önnur alþjóðasambönd sem sinna afreksmálum.
· að
fjalla um þau erindi er snerta afreksmál og berast skrifstofu ÍSÍ og
framkvæmdastjórn ÍSÍ og/eða framkvæmdaráð ÍSÍ vísar til þess.
· að fylgjast með framvindu mannvirkjamála er lúta að þjóðarleikvöngum.
